Асиужет ала, актиорцәа Џьамбул Жорданиеи Емиль Петрови зроль нарыгӡо џьара аус зымуа ҩыџьа актиорцәа агазеҭ ала амал ду змоу ҭакәажәык акыр шықәса раԥхьа иӡхьаз  лмал ззаанлыжьша илыуоу аҳәса шылыԥшаауа атәы еилыркаауеит. Актиорцәа аҳәса ракушәа рҽааиҭакны амиллионқәа ргара иазкны аус аиларҽаҽара иалагоит.

Агәалаҟазаара ашьҭыхра шәашьҭазар, ари аспектакль шәара шәзы ауп!

Аспектакль «Примадонны» ашықәсҿыцтәи арбара аҿы Мег лроль раԥхьаӡа акәны иналыгӡоит актриса Мадлена Барцыцԥҳа.

Аспектакль аныҳәатә рбара ахь абилеҭқәа ааухәар алшоит атеатр акасса аҿы еиԥш асаит   rusdram.org аҿы, иара убас Аԥсны иахьаҵанакуа аус зуа «А-Мобаил» аофисқәа рҿы.