«Ҳара Аҟәа ақалақь Ахадара «Аџьатәи асоциалтәи атәанчахәқәеи аԥаратә цхыраагӡатәқәеи егьырҭ ашәатәқәеи ршәара азы Аԥхьаӡаратә Центр» ахь 1174 цыра аҳамҭатә сертифиатқәа рыхәԥса дәықәаҳҵеит. Аспециалистцәа урҭ аҳҭнықалақь Ахадара ахылаԥшра аҵаҟа иҟоу рыбжьара еихыршеит. Даҽа 195 цыра аҳамҭатә сертификат ҳара агәыҳалалратә еиҿкаарақәа «Кьараз», «Ашана» рахь идәықәаҳҵеит», - ҳәа еиҭеиҳәеит Авҭандил Џьынџьал.
Аҟәа ақалақь Ахадара «Аџьатәи асоциалтәи атәанчахәқәеи аԥаратә цхыраагӡатәқәеи егьырҭ ашәатәқәеи ршәара азы Аԥхьаӡаратә Центр» аиҳабы Мадина Ҳаразиа, аныҳәатә сертификатқәа рызшара анаҩс, ашықәсҿыцтәи аныҳәақәа рзы еиуеиԥшым акатегориақәа ирыҵанакуа зматериалтә ҭагылазаашьа уадаҩу аҭаацәеи аинвалидцәеи рхыԥхьаӡаратә ԥхьаӡарақәа ирхыԥхьаӡалахеит зныктәи аԥаратә цхыраагӡа ҳәа адырра ҟалҵеит.
«Аҳҭнықалақь Ахадара иарбоу аусмҩаԥгатәқәа рзы иазоунажьит 2 миллионки 582 нызықьи 564 мааҭ. Зани заби ыҟам, ҳара ҳҿы ашәҟәы иҭагалоу ахәыҷқәа ракәзар, урҭ есышықәса Ашықәс Ҿыц аныҳәа аламҭалазы аҳҭнықалақь ахада Беслан Ешба ихатә харџь ала аматериалтә цхыраара риҭоит», - ҳәа илҳәеит Мадина Ҳаразиа.
