Аҟәа. Ԥхынҷкәынмза 27, 2023 шықәса. Аԥсныпресс. Апарламент адепутатцәа изаамҭанытәиим асессиа аилатәара аҿы Аҳәынҭдача «Пицунда» аҵакыраҿ иҟоу аргыларақәа Урыстәыла аҭареи ахархәареи рзы Аиқәшаҳаҭра шьақәдырӷәӷәеит ҳәа иаанацҳауеит Апарламент апресс-маҵзура. Апарламент Аиҳабы Лаша Ашәба Апарламент аҿаԥхьа еилагылаз. Аиқәшаҳаҭра ашьақәырӷәӷәара азҵаара иаҿагыло ауаа рахь днеит. Уи адепутатцәа ирыдыркылаз аӡбамҭа далацәажәеит: «Зегьы агәҭынчымра рызцәырнагеит ишьақәгылаз аҭагылазаашьа, Апарламент адепутатцәа реиԥш Апарламент ахь иаауаз ауаагьы. Иахьа ҳара иакымкәа аделегациақәа ҳадаҳкылеит, ганрацәала ҳалацәажәеит ари Аиқәшаҳаҭра ареспублика шәарҭара анамҭо адкылара азҵаара. Акоординатқәа ирыдҳәалоу ахәҭа урыстәылатәи аган иаднакылеит. Иаанханы иҟан «ахԥатәи ахаҿқәа рыҭара» иадҳәалоу азҵаара. Амчра ахаҭарнакцәеи аоппозициа ахаҭарнакцәеи реиԥыларагьы мҩаԥысит. Араҟа ҳара акы ҳаицазкылсит – азакәанқәа аиҭакра рылагалара. Уи – «Жәларбжьаратәи аиқәышаҳаҭрақәа рзы» азакәан, Аграждантә закәанеидкыла, иҷыдоу, аҳәынҭдача аҭара иадҳәалоу Аконституциатә закәан ауп. Уаҟа аргылара ахԥатәи ахаҿқәа ирыҭахар, Аиқәшаҳаҭра амчра ацәыӡуеит, Аԥсны Аҳәынҭқарра иазырхынҳәхоит ҳәа иарбоуп», - ҳәа иҳәеит иара.
Ари аҩыӡа аӡбамҭа амчра ахаҭарнакцәеи аоппозициа ахаҭарнакцәеи иалацәажәеит. Анаҩс ари аӡбамҭақәа Апарламент ахь илыбааргеит, уи алацәажәарагьы ҳалагеит. Адепутатцәа ирҭахӡамызт мацара акоординатқәа ԥсахны ишьақәгылоу Аиқәшаҳаҭразы абжьыҭира. Аха нас урҭ аконсенсус рыԥшааит, адепутатцәа рыбжьы арҭеит акоординатқәа ԥсахны, иара убас ахԥатәи ахаҿы аҭара азин шыҟами атәы зҳәо апунтқәа злагалоу Аиқәшаҳаҭра. Ҳара 28-ҩык адепутатцәа злахәыз изаамҭанытәиим асессиа аилатәара аҿы х-закәанк ҳадаҳкылеит, иара убас Аиқәшаҳаҭра ашьақәырӷәӷәара азы 28-ҩык рҟынтәи 26-ҩык шақәшаҳаҭу ала рыбжьы арҭеит.
