Уи лажәақәа рыла, аԥснытәи аган Аӡфымцатә станциа аӡылбааҽҽақәа рреконструкциа алагара азԥхьагәаҭаны ишамоу азы адырра ҟанаҵеит.
Егрытәи Аӡфымцатә Станциа аӡыхкыра иахьаҵанакуа аусуратә еиԥыларақәа рформат ала аиҿцәажәарақәа лассы-лассы имҩаԥыслоит, урҭ ирыбзоураны акомплекс ахархәара иадҳәалоу азҵаарақәа ианаамҭоу рыӡбара алыршахоит, ҳәа иазгәалҭеит аԥыза-министр ихаҭыԥуаҩ, аекономика аминистр Кристина Озган.
Егрытәи Аӡфымцатә Станциа адиректор Хада Леуан Мебониа Аԥсуа телехәаԥшра акорреспондентцәа дрыҿцәажәо, Қырҭтәыла Аӡфымцатә Станциа аӡылбааҽҽақәа рреконструкциа азԥхьагәаҭаны иамаӡам, избан акәзар ари аусмҩаԥгатә феида злоу инвестицианы иаԥхьаӡаӡом азы, ҳәа инаҵшьны иазгәеиҭеит.
2015 шықәсазы арекоснструкциа апроект иахәаԥшхьан, аха усҟан Аԥсны афымцамч ахархәара ҩынтә еиҵан, ҳәа иазгәеиҭеит Леуан Мебониа. https://sputnik-abkhazia.ru/20231226/.
