Акомиссиа аҿаԥхьа имариам ахыдҵа ықәгылан   – еиуеиԥшым аспорт хкқәа рҿы  аспортсменцәа рҟынтәи иреиӷьу иалкаара. Иреиӷьу рҟынтәи иреиӷьу иалкаара аан аспортсменцәа ииасуа ашықәс азы реихьӡарақәа зегьы ҳасаб азун.

Аноминантцәа рсиа 2023 шықәсазы аспорттә сезон аан доусы реихьӡарақәа рыла ишьақәыргылахон.  Убасала уи иалалеит:  Елҟан Гәазаа (атлетика хьанҭа), Инал Гаделиа (аӡиудо), Ерик Кәарҷиа (астолтә ԥкьаҭмпыл), Даниил Харчлаа (зхы иақәиҭу аиқәԥара), Асҭамыр Асланӡиа (амҵәышәмпыл), Лиудмила Бганба (анапылампыл), Амина Аншба (аԥкьатмпыл), Харитон Агрба (абокс), Џьубеи Аҩӡба (аҽытә спорт), Леон Сабуа (ашьапылампыл), Дмитри Гәазаа (автомобилтә спорт).

Абжьыҭира мҩаԥысуан ҩ-етапкны, избан акәзар, актәи аеап аҟны ҩыџьа аспортсменцәа еиԥшны абыжьқәа роуит.  

Иреиӷьу аспортсмен ихьӡ рылаҳәахоит ԥхынҷкәынмза 25 рзы имҩаԥгахо апремиа «Аԥыза қәыԥш» анашьара иадҳәалоу аныҳәатә церемониа аҿы.