Аԥсны Аҳәынҭқарра аҵакыраҿы аамҭала иҟоу аҳәаанырцәтәылауааи атәылауаҩра змам ахаҿқәеи ашәҟәы рҭагаларазы иршәо абаџь ахышәаҵышәа 200 мааҭ рыла ишьақәыргылахоит.
22.Ԥхынҷкәын.2023
Аԥсны Аҳәынҭқарра аҵакыраҿы аамҭала иҟоу аҳәаанырцәтәылауааи атәылауаҩра змам ахаҿқәеи ашәҟәы рҭагаларазы иршәо абаџь ахышәаҵышәа 200 мааҭ рыла ишьақәыргылахоит.
Аҟәа. Ԥхынҷкәынмза 22, 2023 шықәса. Аԥсныпресс. Жәлар Реизара-Апарламент адепутатцәа «Аҳәынҭқарратә баџь азы» азакәан аиҭакрақәа аларгалеит.
Аусшәҟәы адгалара мҩаԥигеит Апарламент аҿы Аҳәынҭқарра Ахада есымшатәи ихаҭарнак, аиустициа аминистр Анри Барцыц.
Иарбоу азакәан апроект Аԥсны аҵакыраҿы ашәҟәы иҭаргало аҳәаанырцәтәылауааи атәылауаҩра змам ахаҿқәеи ирымырхуа аҳәынҭқарратә баџь ахышәаҵышәа аиҭакра азыԥхьагәанаҭоит.
Ажьырныҳәа 1, 2024 шықәса инаркны «Аԥсны Аҳәынҭқарра аҵакыраҿы аамҭала иҟоу аҳәаанырцәтәылауааи атәылауаҩра змам ахаҿқәеи ашәҟәы рҭагалара амҩаԥгара аԥҟара ашьақәырӷәӷәаразы» Аԥсны Аминистрцәа реилазаара жьҭаарамза 13, 2023 шықәсазы ирыдыркылаз ақәҵара № 106 азакәанмчы аиуеит. Ашәҟәы аҭагаларазы азакәан ишьақәнаргылаз ахышәаҵышәала ирымххоит аҳәынҭбаџь.
