Иарбоу Аиқәшаҳаҭра инақәыршәаны, аҩганк аусдкыларатә, мамзаргьы даҽа економикатә усура амҩаԥгараан ицәырҵуа аилибамкаарақәеи аимак-аиҿакқәеи рганахьала жәларбжьаратәи акоммерциатә арбитражқәеи аӡбарҭақәеи ирыдыркылаз, азакәанмчы зауз аӡбамҭақәа азхарҵоит, анаҩс азакәан мҩала инарыгӡоит.

Азакәан апроект алацәажәара ихы алаирхәит Аҳәынҭқарра Ахада Апарламент аҿы ихаҭарнак, аиустициа аминистр Анри Барцыц.

Аилацәажәара аихшьаалақәа рыла Аилак алахәылацәа  иарбоу азакәан апроект Апарламент иааиуа асессиа аилатәараҿы адкылара азы абжьгара аҟаҵаразы аӡбамҭа рыдыркылеит.