Агуманитартә еидара анагара напхгара аиҭоит Урыстәыла иҿыцу арегионқәа рҿы Аҳәынҭқарра Ахада аҷыдалкаатә зинмчы змоу ихаҭарнак Лев Кәыҵниа.
Ари Аԥсны аиқәырхаратә Хылаԥшырҭа ахада Урыстәыла арегион ҿыцқәа рахь аҷыдалкаатә хаҭарнак иаҳасабала раԥхьатәи ицара ауп. Аҭаара аҳәаақәа ирҭагӡаны иазԥхьагәаҭоуп асубиектқәа рхадацәа рԥылара, урҭи Аԥсни русеицура азы алшарақәа раԥҵара иадҳәалоу азҵаарақәа рылацәажәара.
Агуманитартә еидара аиқәыршәара рхы аладырхәит Аԥсны аҳәынҭқарратәии ауаажәларратәи аиҿкаарақәеи аилазаарақәеи, ахәҭакахьала Аԥсны инхо аерманцәа Рхеидкыла. Атоннарацәа зкуа афурақәа руак Ашықәс Ҿыц аламҭалазы аинтернационалтә бригада «Пиатнашка» ахь идәықәҵахоит. Уи дацны дцоит Аԥсны иқәынхо аерманцәа Рхеилак ахантәаҩы Алик Миносиан.
Аԥсны Иҷыдоу аҭагылазаашьақәа рзы Аминистрра есышықәса Донбасс агуманитартә акциақәа мҩаԥнагоит. Ари атрадициа хымԥада иацҵахоит.
