Аҟәа. Ԥхынҷкәынмза 18, 2023 шықәса. Аԥсныпресс. Апрофессионалтә бокс азы Аԥсны еизгоу акоманда алахәыла, ҳара ҳџьынџуаҩ, ААУ астудент Енвер Бзагәа апромоутортә еилазаара «ATILGAN PRODUCTION» еиҿнакааз апрофессионалтә бокс ахәылԥаз «ATILGAN FIGHT NIGHT X» аҿы Аԥсны ахьӡала дықәгылеит. Иара ирантәи абоксиор Саџьад Хабиб дииааит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы апресс-маҵзура.
Аиндаҭлара ԥхынҷкәынмза 15 рзы Анкара ақалақь, апрофессионалтә бокс ахәылԥаз аҳәаақәа ирҭагӡаны имҩаԥысит.
Ҭырқәтәыла инхо аԥсуа мҳаџьырқәа рхылҵышьҭра Енвер Бзагәа раԥхьаӡа иҭоурыхт ԥсадгьыл ахь дааит 2019 шықәсазы, Афон Ҿыц имҩаԥысуаз «Аԥсны Аҳәынҭқарра Ахраҿа» агаразы абоксиортә турнир алахәхаразы. Изнымкәа иара дидикылахьан ААУ аректор академик Алеко Гәарамиа. Ишдыру еиԥш, иаргьы иниаамҭаз абокс ала иҽазыҟаиҵон, 20 шықәса инареиҳаны Аԥсны абокс Афедерациа напхгара аиҭон.
