Иахьа Москва ақалақь аҿы имҩаԥысуеит Белоруссиеи Урыстәылеи Реидгыла Апарламентә Еизара асессиа 65-тәи аилатәара. Ԥхынҷкәынмза 19 рзы иазԥхьагәаҭоуп аколлективтә шәарҭадара азы аиқәшаҳаҭра Аиҿкаара Апарламенттә ассамблеиа (ПА ОДКБ) амҩаԥгара.
18.Ԥхынҷкәын.2023
Вичеслав Володин Белоруссиеи Аԥсни Аахыҵ Уаԥстәылеи рпарламентбжьаратәи аусеицура далацәажәеит.
Аҟәа. Ԥхынҷкәынмза 18, 2023 шықәса. Аԥсныпресс. Урыстәыла Аҳәынҭқарратә Дума Ахантәаҩы Вичеслав Володин Белоруссиеи Аԥсни Аахыҵ Уаԥстәылеи рпарламентбжьаратәи аусеицура далацәажәеит. Абри атәы аанацҳауеит Аинформациатә Маҵзура «ТАСС».
«Урыстәыла Аҳәынҭқарратә Дума Ахантәаҩы Виачеслав Володин Ареспублика Белорусь Амилаҭтә Еизара ахантәаҩы Владимир Андреиченкои Аԥсны Жәлар Реизара аиҳабы Лаша Ашәбеи Аахыҵ Уаԥстәыла Апарламент аиҳабы Алан Алборови алархәны Москва ақалақь аҿы аиԥылара мҩаԥигеит. Аиԥылараҟны Аԥсни Урыстәылеи Белоруссиеи Аахыҵ Уаԥстәылеи рпарламентбжьаратәи аусеицура аҿиареи асоциал-економикатә еидгылареи ирыдҳәалоу азҵаарақәа жәпакы ирзааҭгылеит»,-ҳәа иаанацҳауеит Аҳәынҭқарратә Дума апресс-маҵзура.
