Аҟәа. Ԥхынҷкәынмза 16, 2023 шықәса. Аԥсныпресс. Ԥхынҷкәынмза 15 рзы Михаил Чачба ихьӡ зху гәдоуҭатәи ахәыҷтәы-қәыԥштә спорттә школ аҿы иалагеит жәларбжьаратәи акласс аспорт азҟаза, Асовет Еидгылеи Европеи рчемпион, аорденқәа Ахьӡ-Аԥша» II, III аҩаӡарақәа ркавалер Рашь Ҳабыгә-иԥа Хәытаба ихраҿа агаразы зхы иақәиҭу аиқәԥаразы Жәларбжьаратәи атурнир.
Атурнир рхы аладырхәуеит Аԥсны зегьы еиԥш Урыстәыла – Адыгеиа, Даӷьсҭани Шәача ақалақьи рҟынтәи 100 -ҩык инареиҳаны аспортсменцәа.
Атурнир аартра иадҳәалоу аныҳәатә церемониа аҿы алахәцәеи асасцәеи бзиала шәаабеит ҳәа раҳәо иқәгылеит Аҳәынҭқарра Ахада иабжьгаҩ Ахра Ашәба, аԥыза-министр актәи ихаҭыԥуаҩ Џьансыхә Нанба, аҿари аспорти русқәа рзы аҳәынҭқарратә Еилакы ахантәаҩы ихаҭыԥуаҩцәа Роман Ҵкәуеи Рашь Хәытабеи.
Сасцәаны атурнир иаҭааит Урыстәыла зҽаԥсазтәыз азыҟаҵаҩ, Урыстәыла ачемпион, Али Алиев ихьӡ зху зхы иақәиҭу аиқәԥаразы жәларбжьаратәи атурнир хәынттәи аиааирагаҩы Виктор Козлиаков, Асовет Еидгыла аспорт азҟаза, Асовет Еидгыла зхы иақәиҭу аиқәԥаразы ачемпион Зураб Цоцориа, Асовет Еидгыла аспорт азҟаза Џьемал Гәыбаз, Аолимпиатәи ахәмаррақәа рҿы аџьазтә медал згахьоу Денис Царгәыш иаб – Игорь Царгәыш.
Аицлабрақәа 2007-2008, 2009-2010шш.рзы ииз аспортсменцәа рыбжьара имҩаԥысуеит. Атурнир хыркәшахоит ԥхынҷкәынмза 16 рзы.
Атурнир аӡбаҩ хада – жәларбжьаратәи акатегориа змоу аӡбаҩ Виачеслав Багаев.
*** Рашь Хәытаба ихраҿа агара азы зхы иақәиҭу аиқәԥаразы раԥхьатәи жәларбжьаратәи атурнир Аџьынџьтәылатәи еибашьра ашьҭахь мызқәак ааҵуаны имҩаԥысит. Иҳаҩсыз ашықәсқәа рзы атурнир аиашазы жәларбжьаратәины иҟалеит, уи ԥыхьатәи Асовет еидгыла аҵакыра аҟынтәи иреиӷьу аиқәԥаҩцәа ҿарацәа еиднакылоит. прошедшие годы турнир стал поистине международным и собирает лучших молодых борцов со всего постсоветского пространства. Прочитано 150 раз.
