АЖӘАБЖЬҚӘА

15.Ԥхынҷкәын.2023

Аҳәынҭқарратә ҳазалхратә Еилакы аусзуҩцәа ирыԥшааит 27 цыра акриптовалиута арҳара иазку аппаратқәа.

Аҟәа. Ԥхынҷкәынмза 15, 2023 шықәса. Аԥсныпресс. Ироуз аоперативтә информациа ала инагӡаз аусмҩаԥгатәқәа раан, ԥхынҷкәынмза 14 рзы Аҳәынҭқарратә ҳазылхратә Еилакы акандрабандеи аҳазалхратә зинеилагарақәеи рҿагылара азы Аусбарҭа аусзуҩцәа Аушьҭра-гәаҭаратә Ҭыԥ «Мысра» аусзуҩцәа алархәны ирыԥшааит  27 цыра акриптовалиута арҳара иазку аппаратқәа.

22:00 сааҭ инарзынаԥшуа амилициа аушьҭра-гәаҭаратә Ҭыԥ «Мысра» аҿы иаанкыланы игәаҭан автомашьына  «Toyota Noah». Уи аԥсҟы икын Аԥсны атәылауаҩ. Амашьына агәаҭараан ирыԥшааит иагьрымырхит Аԥсны Аҳәынҭқарра аҳазалхратә ҵакыра ашҟа заагара азы аԥкрақәа алагалоу, акриптовалиута арҳара иазку, амодель «Whatsminer M 50» иаҵанакуа аппаратқәа.  

Ирыԥшааз аппаратқәа рзеиԥш мчхара-лшара 3100 терахеш/сек. рҟынӡа инаӡоит, урҭ рхы иадырхәо афымцамч амчхара ааизакны – 90 кВт/ч инарзынаԥшуеит. Заанаҵтәи адыррақәа рыла, иԥшааз 27 аппарат рџьармыкьатә хәыԥса 5 млн. мааҭ рҟынӡа инаӡоит.  

Аԥсны аҳәынҭқарратә ҳазалхратә Еилакы аоперативтә ҟәшеиҵақәа аиқәыршәагақәа изакәанымкәа атәыла алагалара иадҳәалоу аҭагылазаашьа аилкааразы иацҵаны аусмҩаԥгатәқәа мҩаԥыргоит. 

 

 


Read 376 times - Асабша, 16 Ԥхынҷкәын 2023 00:42
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.