Гагра ақалақь, Лакоба имҩала игылоу аҩны аҭуан аҿы ирыԥшааит акриптовалиута арҳара иазку аппаратқәа быжьба. Урҭ зегьы абжьыхәаҽыгатә блокқәа ирҭаҵаны ирхиан. Аиқәаршәагақәа зегьы рымхра мҩаԥгоуп, урҭ зтәу ахаҿы еилкааразы аусмҩаԥгатәқәа мҩаԥысуеит.
Аа-аппаратк рыла ишьақәгылоу амаининг ферма рыԥшааит Гәдоуҭа араион Хыԥсҭа ақыҭан. Аппаратқәа рыԥшәма Чамагәуа Осман Баҭал-иԥа иоуп. Ахархәагақәа зегьы аԥшәма имхны аамҭалатәи ашьҭаҵарҭа ахь инагоуп.
Аӡҩыбжьа ақыҭан Очамчыра араион аҩныҵҟатәи аусқәа Русбарҭа аусзуҩцәа Аҳәынҭқарратә шәарҭадара Амаҵзуреи Аҳәынҭстандарти русзуҩцәа рыцырхырааны имҩаԥыргаз аоператив-ԥшааратә усмҩаԥгатәқәа раан ирыԥшааит 51 цыра акриптовалиута арҳара иазу аппаратқәа. Ахархәагақәа рыԥшәма Аԥшьыцба Исидор Ныгәзар-иԥа иоуп.
