Аҟәа. Ԥхынҷкәынмза 11, 2023 шықәса. Аԥсныпресс. Аминистрцәа Реилазаара тоннак акамшьиа акразы ахәԥса шьақәнарӷәӷәеит.
Убас, тоннак акамшьиа акразы шьҭарнахыс ишәатәхоит ҩ-нызықь мааҭ, ҳәа Аԥсныпресс акорреспондент адырра ирҭеит атәыла ақыҭанхамҩа Амнистрра аҿы.
Аминистрцәа реилазаара ԥхынҷкәын 1 азы имҩаԥысыз аилатәараан ирыдыркылеит 2023-2024 шш. рзы ҭагалан-аӡынтәи аԥсыӡкраамҭаз аӡтәы биоресурсқәа рхархәаразы ахәԥсазы ақәҵара.
Акамшьиа акра азы ахәԥа ақәҵара акәша-мыкәша аимак-аиҿак ахылҿиааит. Афинансқәа Рминистрра абиоресурсқәа рхархаразы ашәатәқәа 3500 мааҭ рҟынӡа ашьҭыхразы ажәалагала ҟанаҵоит. Ақыҭанхамҩа аминистр Беслан Џьопуа иажәақәа рыла, 2005-2006 шш. рзы аԥсыӡкраамҭа инаркны тоннак акамшьиа акра азы ахәԥса хынтә иазҳаит. Иҳаҩсыз ашықәс азы тоннак акамшьиа азы ахәԥса 1800 мааҭ рҟынӡа инаӡозҭгьы, сынтәа уи 2000 мааҭ, даҽакала иуҳәозар 11% рыла ашьҭыхра азы ажәалагала ҟаҳҵоит», - ҳәа иазгәеиҭеит иара. Усҟан акамшьиа акразы ахәԥса шьақәыргылаӡамызт.
Егьырҭ аӡытә-биоресурсқәа рыхәԥса аганахьала акәзар, изеиԥшразаалак аиқәшаҳаҭымхара ҳәа акгьы ыҟаӡамызт.
Ақәҵара инақәыршәаны, 2023 – 2024шш. тоннак рҟынӡа инаӡо аӡытә-биоресурсқәа рхархәаразы ахәԥса наӡоит:
Акамшьиа –тоннак азы 2000 нызықь мааҭ;
Агәыҵаԥшь – 20 нызықь мааҭ;
аҷарқал – 9 нызқьи 520 мааҭи;
аԥсардаҳанқәа (акилька) - 1 050 мааҭ;
аҵыхәшәыгә - 16 нызықь мааҭ;
ашәиаҟ – 80 нызықь мааҭ;
егьыҭ аԥсыӡ хкқәа (аидыԥсала, амшынла, аскат, (амшынбгахәыҷы, амшынцгәы), аганвых, атах, аскарпена, адаӷьԥсыӡ, алуфар, агәырԥсыӡ, асмарида, аԥсардаҳан, аҭкәицар, амыдаӷьқәа, аҿаԥран, аԥслымӡԥсыӡ уҳәа убас егьырҭгьы) – тоннак азы - 20 нызықь мааҭ.
