Аҟәа. Ԥхынҷкәынмза 11, 2023 шықәса. Аԥсныпресс. Ахәаша, ԥхынҷәынмза 8 рзы ацәыргақәҵа «Россия» аҿы III Жәларбжьаратәи аконкурс «Аҳәаанырцә иҟоу иреиӷьу аурыс школ» аҿы аиааира згаз аҳамҭақәа ранашьара ацеремониа мҩаԥысит. Урыстәылатәи Афедерациа аҵарадырра Аминистрра жәларбжьаратәи аусеицура Ацентр еиҿнакааз арҿиаратә еицлабра аихшьаалақәа рыла, аҳамҭақәа ранашьахеит адунеи 25 тәыла ахаҭарнакцәа. Урҭ рхыԥхьаӡараҿы иҟоуп Аԥсны ахаҭарнакцәагьы, ҳәа адырра ҟанаҵоит ателеграм-канал «Русский дом в Абхазии».
Ю.А. Гагарин ихьӡ зху Гагратәи абжьаратәи ашкол №4 адиректор Сариа Барцыци аиҳабыратәи абжьаратәи аклассқәа рҵаратә ҟәша аиҳабы Елена Павловеи рышкол адагьы ареспублика зегьы ахаҭарнакра нарыгӡон.
«Ҳара ҳашкол аконкурс афинал аҟынӡа инаӡеит аилибакаареи аиҩызареи апатуеиқәҵареи злоу аколлектив ҳәоуеиқәшәарала русура иабзоураны», - ҳәа иазгәалҭеит Сариа Барцыц.
Зынӡа иааизакны аицлабрақәа рхы аладырхәит 840-ҩык арҵаҩцәеи 55 адунеи атәылақәа рҟынтәи ашколтә командақәеи.
Аконкурс «Аҳәаанырцә иҟоу иреиӷьу аурыс школ» аҿы аиааира згаз Пиатигорск ақалақь аҿы адыррақәа Рцентр «Машук» абазала имҩаԥгахо Урыстәыла аҵарадырра Аминистрра аҵарадырратә форум ашҟа идәықәҵахоит.
