Аҟәа. Ԥхынҷкәынмза 8, 2023 шықәса. Апсныпресс. Аслан Бжьаниа Владимир Путин Ахада иалхрақәа рыҟны ақәгыларазы иӡбамҭа дшадгыло атәы иҳәеит. Аслан Бжьаниа итекст аҟны, ҷыдала, иҳәоуп:
«Урыстәылатәи Афедерациа Ахада Владимир Путин имҩаԥысраны иҟоу Аҳәынҭқарра Ахада иалхрақәа рыҟны ақәгыларазы иӡбамҭа садгылоит.
Иахьатәи адунеи аҟны иҟоу ашәарҭарақәа рымҽхак инарҵауланы адыррагьы лак-ҩакрада уи азныҟәарагьы аҭахуп.
Владимир Путин ихыԥша, иаҳаҭыр, иԥышәа, имоу аԥхьагылаҩ иҟазшьақәа рыда ԥсыхәа ыҟаӡам ииашоу, иглобалтәу адунеи ашьақәыргылараҟны, иглобалтәу аиҳараҩык рпозициақәа рышьақәырӷәӷәаразы.
Мҽхакы ҭбаала ажәлар рыҟнытә Владимир Путин имоу адгылара Урыстәыла Дуӡӡа аекономика, асоциалтә усхк, жәларбжьаратәи апозициа арӷәӷәаразы истратегиа иамоу алҵшәа шьақәнарӷәӷәоит.
Ҟрыми Урыстәыла арегион ҿыцқәеи реиҭашьақәыргылара, иҷыдоу арратә операциа аглобалтә политикаҟны аиашара аиҭашьақәыргылара иасимволны иҟалеит. Ари зыбзоуроугьы Владимир Владимир-иԥа иоуп. Урыстәыла аиааира аҟынӡа рацәак бжьаӡам».
Аслан Бжьаниа урыстәылатәи иколлега изеиӷьаишьеит агәабзиара, иглобалтәу аиашара ашьақәыргыларазы ақәԥараҟны агәамчи аманшәалареи.
