«Азакәанеидкыла аиҭакрақәа ралагалара зыдҳәалоу абарҭ аҭагылазаашьақәа роуп. Административтә зинеилагарақәа рзы Азакәанеидкыла ахәҭаҷ 1651 аӡыргаҭаҩы, аӡыргаҩы, аӡыргаларҵәаҩы рыла аӡырга азы азакәанԥҵара аилагара азы ахьырхәра аҳасабала иазԥхьагәанаҭоит атәылауаа, амаҵурауаа, иара убас аиуристтә хаҿқәа рзы административтә хааԥса аршәара.     

Административтә зинеилагарақәа рзы аусеилыргарақәа рыла аӡбареиҿкааразы Азакәанеидкыла ахәҭаҷ 30, ахәҭа 2 инақәыршәаны  араионтә (ақалақьтә) аӡбарҭақәа рыӡбаҩцәа Администратитә зинеилагарақәа рзы Азакәанеидкыла иалкаау ахәҭаҷқәа рыла иарбоу административтә зинеилагарақәа ирыхәаԥшуеит.   Аха иарбоу ахәҭаҷқәа рсиа аҿы  иҟаӡам ахәҭаҷ 1651.

Убри инамаданы, Административтә зинеилагарақәа рзы аусеилыргарақәа рыла аӡбареиҿкааразы Азакәанеидкыла ахәҭаҷ 30, ахәҭа 2  ахәҭаҷ 1651 («Аӡыргара азы азакәанԥҵаа аилагара») ала ихарҭаахоит»,– ҳәа инаҵшьны иазгәеиҭеит Дауҭ Хәытаба.