Борис Козиев иарбоу ацәгьоура аҿы ахара идуп ҳәа дыԥхьаӡоуп. Уи ахьырхәра аҳасабала изалхуп ирӷәӷәоу арежим змоу ариашаратә колониа аҿы ҭакрала 15 шықәса ахгара. Убри аан иара аҳәынҭқарра ахашәалахәы ахь 600 000 нызықь мааҭ иршәахоит.
25.Абҵара.2023
Урыстәылатәи Афедерациа атәылауаҩ Аԥсны анаркотикатә маҭәашьарқәа рыларҵәаразы 15 шықәса аҭакрала ахгара иқәҵоуп.
Аҟәа. Абҵарамза 25, 2023 шықәса. Аԥсныпресс. Абҵарамза 21, 2023 шықәсазы Аҟәатәи ақалақьтә Ӡбарҭа Аԥсны Ашьаустә Закәанеидкыла ахәҭаҷ 224, ахәҭа 3, апункт «в» иазԥхьагәанаҭо ашьаус еилырганы, Урыстәылатәи Афедерациа атәылауаҩ, 1975 шықәсазы ииз Козиев Борис Виктор-иԥа иганахьала ахарадҵатә зыӡба аднакылеит, - ҳәа адырра ҟанаҵоит Аԥсны апрокуратура Хада аофициалтә саит.
Заанаҵтәи аусеилыргара аусбарҭа ала Борис Козиев зыкапан 16,531 грамм рҟынӡа инаӡо анаркотикатә маҭәашьар «метадон» анаҩс аҭиразы агәҭакы иманы, изакәанымкәа аахәара, аҵәахра, аиагара азы дыгәҩаран, ахарагьы идҵан.
