«Атәыла агәабзиарахьчара Аминистрра иарбоу аԥшьгара иадгылоит. Аҿыкчымазаратә хәышәтәырҭа хыԥхьаӡара рацәала ачымазцәа адҵаалоит. Иҟоуп ареанимациатә усмҩаԥгатәқәа зҭахугьы. Аиҳарак ала уи хадара шаҵоу убоит иарбоу амедицинатә усбарҭа ахь иаауа апациентцәа рхыԥхьаӡара ҳасаб азуны уахәаԥшуазар. Иахьазы ахәышәтәырҭаҿы ареаниматологцәа ыҟоуп, аха асезонтә қыӷәӷәарақәа раан урҭ рымч азымхар ҟалоит. Убри инамаданы, иарбоу ахәышәтәырҭаҿы ишахәҭоу ала еиҿкаау ареанимациатә ҟәша аартра хымԥадатәиуп ҳәа инаҵшьны иазгәасҭарц сҭахуп!», - ҳәа иҳәеит агәабзиарахьчара аминистр  Едуард Быҭәба.

Иаадыртраны иҟоу аҟәша акадртә еиқәыршәара акәзар, аилацәажәара иалахәыз ргәаанагарала, ари апроблема аӡбара алшоит ақалақьтәи араионтәи ахәышәтәырҭақәа рҟынтәи аперсонал рротациеи, иара убас урыстәылатәи рколлегацәа раашьҭреи раҳасабала.