Лаура Ажьиба – Х. Х. Чамагәуа ихьӡ зху Гагратәи абжьаратәи ашкол №1 аҵаҩы;

Аслан Ҭарба – Гәдоуҭа араион Бамборатәи абжьаратәи ашкол аҵаҩы;

Лана Қриа -  Иу. Н. Воронов ихьӡ зху Ҭҟәарчалтәи абжьаратәи ашкол №2 аҵаҩы.

Ашколхәыҷқәа дрыцуп аҵара Аминистрра аспециалист хада Нонна Кәыҵниа.

Аконкурс атемақәа:

– Алеқсандр III, уи иепоха.  

– Урыстәылатәи арктика: агеографиа, аҭоурых, аекономика, ажәларқәеи ауааи.

– 1944 шықәса адунеи аҿы.

Ателедырраҭара аҭыхра абҵарамза  16 - 18  рзы ателецентр «Останкино» аҿы имҩаԥыслоит.

Хы-шықәса инеиԥынкыланы аҵара Аминистрра ателехәаԥшратә интеллектуалтә олимпиада  «Умники и умницы» алахәхаразы ашколхәыҷқәа ралхреи рдәықәҵареи еиҿнакаауеит. Жәабранмза, 2023 шықәсазы Пицундатәи абжьаратәи ашкол №1 аҵаҩы Лина Аиба адырраҭара «Умники и умницы» афинал аҟынӡа днаӡеит, лара ари адырраҭара амҩаԥгаҩ Иури Виаземски иҟынтәи иарбоу ателехәаԥшратә олимпиада атеоретик иаҳасабала алахәхара азы ааԥхьара лоуит.

Урыстәылазегьтәи агуманитартә телехәашратә олимпиада «Умницы и умники» абар шьҭа 20 шықәса ирылагӡаны урыстәылатәи ателехәаԥшра «Актәи аканал» аефир ахь ицәырҵуеит. Ателедырраҭара автори ирымԥсахуа амҩаԥгаҩи — Москватәи Аҳәынҭқарратә Жәларбжьаратәи Аизыҟазаашьақәа Ринститут (Ауниверситет) (МГИМО) апрофессор, жәларбжьаратәи ажурналистика адунеитә литературеи акультуреи рфакультет аиҳабы, Урыстәылатәи Афедерациа зҽаԥсазтәыз акультура аусзуҩ, ашәҟәыҩҩы Иури Виаземски.