Аҟәа. Абҵарамза 10, Аԥсныпресс. Аԥстәбара зцу амҩа-транспорттә машәыр хҭыс ҟалеит Гәдоуҭа араион аҿы.  Автомашьына «Nissan Skyline» аԥсҟы зкыз амашьына изаанымкылаӡакәа амҩа аҿықә аҿы игылаз аҵла даахеит, ҳәа  адырра ҟарҵеит Иҷыдоу аҭагылазаашьақәа рзы Аминистрра аҟны.

Иҟалаз амҩа-транспорттә машәыр хҭыс иахҟьаны аӡәы иара уааҵәҟьа иԥсҭазаара далҵит, даҽаӡәы ахәышәтәырҭахь днаргеит.

Авариа ҟалеит Гәдоуҭа араион Аацы ақыҭа азааигәара ареспубликатә трасса аҿы.  

Амашәыртә хҭыс шыҟалаз азы адырра Иҷыдоу аҭагылазаашьақәа рзы Аминистрра аҷаԥшьаратә  пункт ахь иҟалеит 22 сааҭи 40 минуҭи рзы.