Абҵарамза 4 рзы  Урыстәылазегьтәи ахәыҷтәы Центр «Смена» аҿы имҩаԥысит аусмҩаԥгатә аартра иазку аныҳәатә церемониа. Ҳаҭыр зқәу асасцәа раҳасабала ари аусмҩаԥгатә рхы аладырхәит Урыстәыла аҩныҵҟатәи аусқәа Рминистрра Амҩатә ныҟәара ашәарҭадара аиҿкааразы  Аусбарҭа Хада (ГУОБДД) анапхгаҩы ихаҭыԥуаҩ Олег Понарин, Амҩаҿы аныҟәара ашәарҭадара апропаганда азы Урыстәылазегьтәи ауаажәларратә ахәыҷтәы-қәыԥштә еиҿкаара «Амҩаҿы аныҟәара аинспектор ҿарацәа» (ООДЮО «ЮИД») ахантәаҩы Валентина Кульбицкаиа.

Ари аусмҩаԥгатә иалаху рзы еиҿкаауп ганрацәалатәи атематикатә программа, ахәҭакахьала, арҿиаратә мастер-классқәа, Амҩаҿы аныҟәара Аԥҟарақәа рдырра азы аинтеллектуалтә викторинақәеи аконкурсқәеи. Ҩымчыбжь рыла ахәыҷқәа арккаратә проектқәа аус рыдырулалоит. Убри анаҩс,  алахәылацәа апропагандит қәыԥш ишкол иахыыр алшоит, еиуеиԥшым ахықәызааратә программақәа рылахәхаразы алшара рзаԥҵахоит. 

Ҳазҭоу ашықәс жьҭаарамза алагамҭазы Аԥсны аҵара Аминистрреи «Амҩаҿы аныҟәара аинспектор ҿарацәа» ҳәа изышьҭоу Амҩаҿы аныҟәара ашәарҭадара апропаганда азы Урыстәылазегьтәи ауаажәларратә ахәыҷтәы-қәыԥштә еиҿкаареи рыбжьара Аԥснытәи  амҩақәа рҿы аныҟәара ашәарҭадара апропаганда азы аҵарадырратә проектқәа  реицынагӡареи амҩаҿы аныҟәара аинспектор Ҿарацәа Реиҿкаара Аԥсны  апопулиаризациеи рзы аусеицура азы аиқәшаҳаҭра анапаҵыҩра мҩаԥысит.