Абзагә Ҵәыџьба иажәақәа рыла, Аидгыла ихадоу ахықәкқәа рхыԥхьаӡараҿы иҟоуп:

Аԥснытәи аҿар рырҿиаратә потенциал аҿиара адгылара аҭара,

Уи апроектқәа рыцхыраара,

Аԥсуа бызшәа аҿиареи уи ахархәара амҽхак арҭбаареи,

Аԥснытәи атрадициатә культура «Аԥсуара» аҿиара,

Аԥснытәи аҿар рконсолидациа.

Иҿыцу аиҿкаара азԥхьагәаҭарақәа иреиуоуп:

Аԥсуа бызшәеи атрадициақәеи рыҭҵаара;

Апоезиатә, амузыкатә хәылԥазқәа рымҩаԥгара;

Апроектқәеи афильмқәеи ашәҟәқәа рӡыргара;

Ацәыргақәҵақәа реиҿкаареи рымҩаԥгареи;

Иҿыцу аԥсуа хьыӡқәеи аталантқәеи ирыдҳәалоу зегьы адгылара аҭара;

Иаарту адискуссиақәеи егьырҭ аусмҩаԥгатәқәеи реиҿкаареи рымҩаԥгареи.

«Аидгыла ихадоу амиссиа зеиӷьаҟам ала уи алаготип – иаарту амаҿа иаарту ашәҟәы аҟны иарбоуп. Арҭ аҩ-елементк аԥсуа уаажәларратә еилазаара аҵарадырра, ибеиоу акультуратә ҭынха адырреи аиқәырхареи рыла аҿиара иадҳәалоуп», ҳәа адырра ҟаҵоуп «Москватәи аԥсуа Диаспора» Феисбук аҿы адаҟьа аҿы.