Актәи апленартә еилатәара атема «Аетнотуризм жәларбжьаратәи абизнес хадара злоу ахәҭа» иазхеит.
Афорум аусура аҵыхәтәантәи амш азы Урыстәылазегьтәи атуристтә премиа «Ашықәс амаршрут» аихшьаалақәа рыҟаҵара мҩаԥысит.
Афорум аҳәаақәа ирҭагӡаны аекспертцәа, атуроператорцәа аибабара, аиҿцәажәара, аԥышәалеи аихьӡарақәеи рыла аимадара азы алшара рзаԥҵан.
Иабоу аусмҩаԥгатә аҳәаақәа ирҭагӡаны аҟәатәи апансионат «Аиҭар» адиректор Ҭемыр Адлеибеи Автонотә Икоммерциатәым Аиҿкаара «Ареспублика Башкортосҭан атуризм аҿиара Ацентр» адиректор Руслан Иунусови Урыстәылатәи Афедерациеи Аԥсны Аҳәынҭқарреи иахьрыҵанакуа иаку азеиԥшнаӡаратә информациатә ҵакыра аԥҵареи аҿиаеи рзы аусеицуразы еиқәшаҳаҭхеит.
