Аҟәа. Жьҭаарамза 26, 2023 шықәса. Аԥсныпресс. Урыстәылатәи Афедерациа аҟны иҟоу Аԥсны Ацҳаражәҳәаҩ Алхас Кәыҵниа ЦСКА аҳәса ршьапылампыл аклуб ахәмарҩы, Урыстәыла Ахраҿа згаз ачемпионка, хылҵышьҭрала иаԥсыуоу Ельвира Ҭодуа дидикылеит.
Алхас Кәыҵниа Ельвира Ҭодуа аспорттә кариера аҿы аихьӡара ду лыдиныҳәалеит, аринахысгьы ақәҿиарақәеи аманшәалареи лзеиӷьаишьеит.
Жьҭаарамза 15 рзы имҩаԥысит аҳәса ршьапылампыл азы Урыстәыла Ахраҿа агаразы афиналтә матч мҩаԥысит. Аматч аҿы ЦСКА акомандеи «Зенит» акомандеи еиԥылеит. Ари ахәмарра аҿы асчиот 4:1 ҳәа аиааира агеит ЦСКА акоманда. ЦСКА акоманда азы ари инеиԥынкыланы ҩынттәи аиааира ауп, аклуб аҭоурых аҿы уи хынттәи иааираны иҟоуп.
Аҳамҭа анашьара ацеремониа ахь Ельвира Ҭодуа аԥсуа бираҟ кны дцәырҵит, иара убри ала уи лмилаҭи лыԥсадгьыли рзы лгәадура аалырԥшит.
Урыстәыла иҟоу Аԥсны Ацҳаражәҳәарҭа аҿы Ельвира Ҭодуа аринахысгьы жәларбжьаратәи арена аҿы аихьӡара дуқәеи аманшәалареи рзеиӷьаршьеит.
