Ареспублика Адыгеиа аладатәи ахәҭаҿы иҟоу ашьхаҳаракыра Ассара ахьӡ зху аолимпиада апрограмма хәымш ирҭагӡахоит. Ашколхәыҷқәа аолимпиада ҩ-турк рзыԥшуп, иара убас игәылҭәаау аҵарадырратә, акультуратә программақәа: аҽазыҟаҵарақәа, арҿиаратә мастер-классқәеи алекциақәеи.
Аолимпиада алахәылацәа зыхьӡ нагоу аспикерцәа ирԥылараны иҟоуп, ахәҭакахьала, абжьыхаҵареи адублиажи рзы урыстәылатәи актриса Лариса Брохман, аматематика азы Жәларбжьаратәи олимпиадеи (IMO) аҭыԥҳацәа рзы Европатәи аматематикатә олимпиадеи (EGMO) рҿы аиааира згаз Алиса Волковеи Галииа Шарафетдиновеи, акомпозитор Мураҭ Кабардоков, амузыкант Али Лигидов, афизика-математикатә наукақәа рдоктор Наталиа Маслова, Абанк «Тинькофф» ашәарҭарақәа рзы адиректор Анна Казакова, амоделиер-дизаинер Сусанна Макерова.
Апроект «Приоритет-2030» аҳәаақәа ирҭагӡаны 2030 шықәсазы Адыгатәи аҳәынҭқарратә Университет Алада Урыстәыла аматематикатә ҵарадырра аларҵәара хықәкыс иҟаҵаны аматематикатәи ацифратәи аекосистема аԥҵара азы амодельшьақәгыларатә ԥышәеи аидеиеи рӡыргара хыдҵаны иқәнаргылоит.
