Аҟәа. Жьҭаарамза 20, 2023 шықәса. Аԥсныпресс. Аԥсны аԥыза-министр Алеқсандр Анқәаб аԥыза-министр ихаҭыԥуаҩ, аекономика аминистр Кристина Озгани Ареспубликатә Унитартә Наплакы «Амшынеиқәафымцамч» анапхгаҩы Ҭемыр Џьынџьали алархәны аилатәара мҩаԥигеит, ҳәа адырра ҟанаҵоит аминистрцәа Реилазаара аофициалтә саит.
Аилатәара аҿы еиуеиԥшым азҵаарақәа ирыхәаԥшит, ахәҭакахьала ахархәара ҳасабырбатә приборқәа рышьақәыргылара, ахархәара зауз афымцамч азы ашәатәқәа реизгара арбагақәа, иара убас Ареспубликатә Унитартә Наплакы «Амшынеиқәафымцамч» иааиуа аӡынтәи аамҭахәҭа ахьынӡазыҟаҵоу, уҳәа азҵаарақәа шьҭырхит.
«АУН «Амшынеиқәафымцамч» анапхгаҩы Хада Ҭемыр Џьынџьал иқәыргылоу ахыдҵақәа рынагӡара шымҩаԥсуа атәы еиҭеиҳәеит, иҳәеит иҷыдоу атехника, иара убас афымцацәаҳәақәа изаамҭанытәиу ахылаԥшра рыҭареи реиҭашьақәыргылареи рзы ихымԥадатәиу амаҭәахәқәеи разымхара шыҟоу. Урҭ зегьы рыхәԥса азеиԥш еицҵалыҵ 500 млн. мааҭ рҟынӡа инаӡоит.
Аиԥылара аихшьаалақәа ҟаҵо, Алеқсандр Анқәаб иҷыдоу атехникеи ихымԥадатәиу амаҭәахәқәеи рсиа, иара убас урҭ раахәаразы иҟоу ахыҵхырҭақәа рзы ажәалагалақәа еиқәыршәаны адгалара амҩаԥгаразы адҵа ҟаиҵеит.
