18.Жьҭаара.2023
Жәларбжьаратәи арт-пленер «Аԥснытәи ҭагалан аԥшшәқәа» ААУ аантәны имҩаԥнагоит.
Аҟәа. Жьҭаарамза 18, 2023 шықәса. Аԥсныпресс. VIII Жәларбжьаратәи арт-рленер «Аԥснытәи ҭагалан аԥшшәқәа» мҩаԥысуеит Аԥсны, жьҭаарамза 21 инаркны 26 аҟынӡа, ҳәа адырра ҟанаҵоит ААУ аинформациеи амедиакоммуникациақәеи рыҟәша.
Раԥхьаӡа акәны апроект шьақәырӷәӷәан 2013 шықәсазы Аԥснытәи аҳәынҭқарратә Университет абазала. Уи аԥшьгара ҟарҵеит ААУ, Аԥсны акультура Аминистрра, Амилаҭтә сахьатә галереиа. Убри аан уи адгылара аиҭеит Аԥсны Аҳәынҭақарра Ахада.
Сынтәа Аԥснытәи аҳәынҭқарратә Университет арт-пленер Аҟәа ақалақь аҿы иҟоу Москва Аҩны адгыларала еиҿнакаауеит.
