Аҟәа. Жьҭаарамза 18, 2023 шықәса. Аԥсныпресс. Аҩныҵҟатәи аусқәа Рминистрра ауаажәларратә шәарҭадаразы Аусбарҭа «Ахәыҷқәа амҩақәа рҿы ашәарҭадара иадгылоит» ҳәа акциа мҩаԥнагеит, ҳәа адырра ҟанаҵоит аҩныҵҟатәи аусқәа Рминистрра апресс-маҵзура.
Ашколхәыҷқәа Аҳәынҭинспекциа аусзуҩцәа ирыцны амҩатә машәыртә хҭысқәа рыԥхьырҟәҟәаара иазкны имҩаԥысуаз апрофилактикатә усмҩаԥгатәқәа рхы аладырхәит. Ахәыҷқәа амашьынарныҟәцаҩца рнапы иадыркуан амҩатә ԥҟарақәа рықәныҟәара, апассаџьырцәеи ашьаҟауааи ршәарҭадара аиҷаҳара рзы ааԥхьарақәа зну абӷьыцқәа.
Акциа ахықәкы хада – ауаажәларра ахәыҷтәы амашьына-транспорттә травматизм апроблема разхьарԥшра, амҩатә ԥҟарақәа рықәныҟәареи ашәарҭадаратә маҟақәа рхархәареи автомашьынала ахәыҷқәа рыиагараан ахәыҷтәы креслақәа рхархәареи рхымԥадатәра азы ааԥхьара аҟаҵара.
