Имҩаԥган акадртә цхыраара аԥҵаразы аусура. 1995 шықәса инаркны аус ауеит Аҟәатәи иреиҳаӡоу азеиԥшарратә дҵаҟаҵаратә ҵараиурҭа, ашьҭахь иаԥҵан АА Атәылахьчара аминистрра Азеиԥшархәҭатә академиа ААУ аҟны.
Убри аангьы, абжьаҟазаратә мчқәа шгылазгьы, ақырҭуа ган изныкымкәа аиҭақәылара рҽазыршәахьан. 1998 шықәса лаҵарамзазы имҩаԥысуаз фымштәи аибашьреи 2001 шықәсазы Кәыдрытәи аҩхааҟны ацәгьоуцәа рреиди хыркәшан аӷа дԥыхха дықәҵаны.
2008 шықәсазы Кәыдрытәи аҩхаа аҭарцәразы арратә операциа хыркәшан. Абри инаркны Аԥсны Аҳәынҭқарра адгьылҵакыра зегьы хылапшра анаҭоит. УА аганахьала АА Аҳьыԥшымра азхаҵара, аҩ-тәылак рыбжьара астратегиатә, аидгыларатә еизыҟазаашьақәа рышьақәыргыларала ҳарра-политикатә ҭагылазаашьа акырӡа еиӷьхеит
Атәылахьчара аминистрра хаҭәаауа иалагеит акадрқәа рыла, ҳадгылаҩцәеи ҳареи ахырхарҭақәа жәпакы рыла аусеицуразы алшара ҟалеит, еиӷьхеит аррамаҵзурауаа рыф-рыԥхьа.
Аҵыхәтәантәи ахҭысқәа иаадырԥшит аҳәынҭқарраҿы мчы змоу арбџьар мчқәа рымазаара иамоу аҵакы.
Ҳара иҳалшо ҟаҳҵоит ҳарбџьар мчқәа абџьарла реиқәыршәара, атехника арҿыцреи аҭыжьреи рзы, ахара ихысуа абџьаргьы налаҵаны. Ҳар иахьатәи аамҭа инақәыршәаны абџьарла еибаҳҭароуп.
Аибашьраҟны иӡрыжәыз аҵасқәа реиҷаҳарала, аибашьратә ҟазара есааира иазырҳауа, Ҳар иахьа аҳәынҭқарра аинтересқәа ахьчоит ҳтәылауаа ршәарҭадареи рҭынчреи еиқәырханы. Убас иҟазароуп аԥхьаҟагьы. Сара агәра згоит шәара иреиӷьқәоу шәшыруаӡәку, Арбчьар мчқәа рыҟны аррамаҵзура ахысра дасу ишәзанааҭ мацараны ишыҟам, ари шәыԥсҭазаара ҵакыс ишамоу. Ишәыдысныҳәалоит аррамаҵзурауаа аветеранцәа зегьы рныҳәа! Ишәзеиӷьасшьоит анасыԥ, аҭынчра, ахирра хаҭа-хаҭала, ҭаацәаныла!»
Атәылахьчара аминистр Владимир Ануа «Аԥсны Аџьынџьтәылатә еибашьраҟны Аиааира 30 шықәса ахыҵра» амедаль ранеишьеит Атәылахьчара аминистр ихаҭыԥуаа Беслан Ҵәыџьбеи Лизберт Ԥоцхор-огли.
Аиубилеитә медаль иара убас ианашьоуп Аслан Бжьаниа, Александр Анқәаб, Рауль Ҳаџьымба, Мираб Кьишьмариа, Владимир Какалиа, Сергеи Шамба.
Рыԥсҭазаара ианалҵ ашьҭахь «Аԥсны Аџьынџьтәылатә еибашьраҟны Аиааира 30 шықәса ахыҵра» амедаль ранашьоуп Владислав Арӡынба, Сергеи Багаԥшь, Владимир Аршба, Сулҭан Сосналиев, Сергеи Дбар, Гиви Агрба, Владимир Мқанба, Виачеслав Ешба.
