Аҟәа. Цәыббрамза 29, 2023 шықәса. Аԥсныпресс. Аԥсны Аиааиреи Ахьыԥшымреи Рымш аламҭалазы Аԥсны Иреиҳаӡоу аӡбарҭа аҿы «Аамҭа акапсула» шьҭарҵеит. Ари акапсула хдыртуеит 50 шықәса рышьҭахь – лаҵарамза 13, 2073 шықәса рзы, Ареспублика Аԥсны азеиԥш иурисдикциа аӡбарҭақәа раԥҵара 150-шықәса ахыҵра амш аҽны.
Акапсула ашьҭаҵара аламҭалазы Иреиҳаӡоу аӡбарҭа ахантәаҩы Саида Быҭәба ҳаԥхьаҟатәи абиԥарақәа рзы ацҳамҭа атекст даԥхьеит:
« «Аамҭа акапсула» ҳара иҭаҳҵеит: Аԥсны Аҳәынҭқарра азеиԥш иурисдикциа аӡбарҭақәа раԥҵара амш инаркны 100-шықәса аҵра азгәаҭара аҟынтәи афотоахьақәа; «Аамҭа акапсула» ахҩара аамҭазы аус зуаз Аԥсны Аҳәынҭқарра азакәанԥҵара аҳамҭатә ҭыжьымҭақәа; Аршаҳаҭгақәа зцу Аԥсны Иреиҳаӡоу аӡбарҭа анапхгаратә ҳамҭақәа; Аԥсны Иреиҳаӡоу аӡбарҭа ала иҭыжьыз Аԥсны Иреиҳаӡоу аӡбарҭа Абиуллетень, Амонографиа «Ареспублика Аԥсны аӡбаратә мчра аҭоурых», «Ареспублика Аԥсны Иреиҳаӡоу аӡбарҭа Астатистикатә Еизга (1994-2022 гг.)».
«Аамҭа акапсула» ашьҭаҵараан, Аԥсны аҭоурых-культуратә баҟақәа рахь иаҵанакуа Иреиҳаӡоу аӡбарҭа ахыбраҿы иҳацын ҳхәыҷқәа. Урҭ ҳԥышәеи ҳдырреи рымадара ҳҽазаҳшәоит, ҳгәыӷуеит урҭ рахьынтә аӡәык-ҩыџьак ирыдамзаргьы ари «Акапсула» аартра аамҭа анааилак ишҳацзаауа.
Ҳара Аԥсны азеиԥш иурисдикциа аӡбарҭақәа раԥҵара амш 150-шықәса ахыҵра шәыдаҳныҳәалит, иаҳҭахуп иахьа аус зуа Аҳәынҭқарра Ахада, Жәлар Реизара-Апарламент Аиҳабы, Ареспублика Аԥсны Иреиҳаӡоу аӡбарҭа Ахантәаҩы Ареспублика Аԥсны Иреиҳаӡоу аӡбарҭа аиубилеитә медалқәа – «Ареспублика Аԥсны азеиԥш иурисдикциа аӡбарҭақәа раԥҵара 100-шықәса ахыҵра» ранаҳшьарц ҳҭахуп».
