Аҟәа. Цәыббрамза 27, 2023 шықәса. Аԥсныпресс. Аҟәа ахақәиҭтәра ҟалеижьҭеи 30-шықәса аҵра иазкны иахьа Аҟәатәи астадион аҿы имҩаԥысит Мрагыларатәи Гәымсҭатәи (Мраҭашәаратәи) афронтқәа рветернцәа ршьапылампылтә командақәа рыбжьара аиҩызаратә матч мҩаԥысит.
«Иахьа шәыхәмарра иахәаԥшырц иааит абиԥара ҿыц иаҵанакуа аҿар. Урҭ шәара шәфырхаҵареи шәҟазшьеи ирыбзоураны ари аусмҩаԥгатә алахәхара азин рымоуп. Шәара усҟан иҟашәҵаз иабзоураны ҳара иахьа аԥсҭазаара ҳамоуп. Шәара шәаҳҿыԥшны ииашаны анхара ҳҵоит. Иҭабуп идуӡӡаны ҳәа шәаҳҳәоит уи азы!» - ҳәа аветеранцәа рахь ихы рханы иҳәеит Аԥсны ашьапылампыл Афедерациа апрезидент Шабаҭ Логәуа.
Аматч даара аинтерес аҵаны имҩаԥысит. Уи асчиот 3:2 ҳәа Мрагыларатәи афронт акоманда аиааирала ихыркәшахеит.
Аматч анхыркәшаха ашьҭахь, ахәмарыҩцәа напеинҟьарала ахәаԥшцәа иаадырԥшыз ахшыҩзышьҭра азы иҭабуп ҳәа рарҳәеит.
Аматч аиҿкаара ахахьы иагеит – Аԥсны ашьапылампыл Афедерациа.
