Аҟәа. Цәыббрамза 17, 2023 шықәса. Аԥсныпресс. Цәыббрамза 17 рзы Брианск ақалақь ахада Марина Дбари Бриансктәи ақалақь ахадара аиҳабы Алеқсандр Макарови ақалақь Амш азгәаҭара иазку аныҳәатә усмҩаԥгатәқәа рылахәхаразы иааз ҳаҭыр зқәу асасцәеи аиашьаратә қалақьқәа рделегациақәеи официалла рԥылара мҩаԥыргеит, ҳәа адырра ҟанаҵоит Аҟәа ақалақь Ахадара аофициалтә саит.
Аҟәа ақалақь Ахадара аусбаҩ Ирина Шьониа Аҟәа ақалақь ахада Беслан Ешба Брианск ақалақь Амш инамаданы иааишьҭыз адныҳәалара даԥхьеит.
«Ақалақь ауааԥсыра реизҳазыӷьара ахьӡала ҳара аусеицура ацҳақәа бжьаҳҵоит, адыррақәа рыла, акультурала, аԥышәеимадара, уҳәа еиҿаҳкаауеит. Акыр ҳаҭыр ҳзақәуп аиҩызаратәи аимабзиаратә еизыҟазаашьақәа. Ари амш азы азин сышәҭозар, Брианк ақалақь аҭычреи аизҳазыӷьареи азеиӷьасшьар сҭахуп! Ари аныҳәа зеиӷьаҟам ала имҩаԥысааит!» - ҳәа иаҳәоит Аҟәа ақалақь иҟаиҵаз адныҳәалара аҿы.
Ақалақь асасцәа «1943-2023 шықәсқәазы имҩаԥысуаз Аџьынџьтәылатәи еибашьра Дуӡӡа аан Брианск ақалақь ахақәиҭтәра ҟалеижьҭеи 80-шықәса аҵра» ҳәа агәалашәаратә медалқәа ранашьахеит.
Арратә Ахьӡ-Аԥша Ашҭеи Ахьӡ Камшәара Аҳәыгәреи рҿы аофициалтә дкылара ашьҭахь, ақалақь агәалашәаратә ҭыԥқәеи арратә мемориалқәеи рҿы ашәҭ шьыҵәрақәа рышьҭаҵара ацеремониа мҩаԥысит.
