«Аҟәа ақалақь ахада Беслан Ешба иҟаиҵаз адҵа ала амемориалтә комплекс аиҭашьақәыргылара иазку аусурақәа хацыркын, ахәҭакахьала, анышәынҭрахаҳәқәа ирну аҩырақәа рырҿыцра иалагеит. Аԥхьанатә аҩырақәа зегьы дыршшеит. Урҭ аԥшшәы рхаҵара азы ақәырԥыҟҟагала ихьыԥшшәылоу ашәыга ахьшьын. Иара убас – 1951 шықәса рзы ииз  Борис Кәыҵниа изкны даҽа нышәынҭрахаҳәк шьақәыргылахоит. Уи 1993 шықәсазы хабарда дыбжьаӡит, ааигәанӡа ихабар аӡәгьы издырӡомазт. Убасҵәҟьа, акомплекс хада аҟны аҩырақәа реиҭашьақәыргылара иазкны аусурақәа мҩаԥгахоит. Аамҭа иахҟьаны џьара-џьара иԥҽыз агранит аиҭашьақәыргылара мҩаԥысуеит», - ҳәа иҳәеит Асҭамыр Ԥиԥиа. 

Иара иажәақәа рыла, аиҭашьақәыргыларатә усурақәа абар шьҭа ҩымчыбжь ирылагӡаны имҩаԥсуеит, урҭ рхыркәшара цәыббрамза 22 иахымгакәа иазԥхьагаҭоуп.