АЖӘАБЖЬҚӘА

09.Цәыббра.2023

Аплатформа «Гәыма» аҿы иаатит есышықәсатәи ҭагалантәи ахәаахәҭратә цәыргақәҵа.

Аҟәа. Цәыббрамза 9, 2022 шықәса. Аԥсныпресс. Акультура-усуратә платформа «Гәыма» аҿы асабша, цәыббрамза 9 рзы аусура иалагеит есышықәсатәи ҭагалантәи ахәаахәҭратә цәыргақәҵа. Араҟа ицәыргақәҵоуп ақыҭанхамҩатә аалыҵ, анапкымҭатә усумҭақәа, иара убас аҩнытә ҭубар ахкқәак.

Акультура-усуратә платформа «Гәыма» акуратор Шьарида Ҭыжәба ҭагалантәи ахәаахәҭратә цәыргақәҵа аартра аламҭалазы иазгәалҭеит: 

«Абар шьҭа ҩы-шықәсоуп ҳара еиуеиԥшым ахәаахәҭратә цәыргақәҵа мҩаԥаагоижьҭеи. Ари аплатформа аусдкылаҩ қәыԥшцәа жәпакы рзы русура алагамҭаны иҟалеит. Иахьа иаатит раԥхьатәи ҭагалантәи ҳхәаахәҭратә цәыргақәҵа. Араҟа алахәылацәа ицәырыргоит рқыҭанхаҩатә аалыҵ адагьы амҿи аласи ирылху рнапкымҭатә усумҭақәагьы».  

Шьарида Ҭыжәба ас еиԥш иҟоу ахәаахәҭратә цәыргақәҵақәа мызкахьы хынтә еиҵамкәа еиҿкаалахоит ҳәа иазгәалҭеит.  Уи аусдкылаҩ ҿарацәа радыԥхьалареи рбизнес аҿиареи адгылара анаҭалоит» - ҳәа илҳәеит лара.

Цәыббрмза 9 рзы акультура-усуратә платформа «Гәыма» аҿы иаатыз ҭагалантәи ахәаахәҭратә цәыргақәҵа мышкы аус аулоит.

Ахәаахәҭратә цәыргақәа ахыркәшамҭаз алахәылацәеи асасцәеи идырбахоит афильм «Вокзал на двоих».


Read 263 times - Асабша, 09 Цәыббра 2023 19:15
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.