еит.

«Иҭабуп ҳәа шәаҳҳәарц ҳҭахуп ҳагәра ганы ҳреспублика ахаҭарнакразы алшара ахьҳашәҭаз азы. Уи даара акыр аҵанакуеит ҳара ҳзы. Гәахәарыла иҳадаҳкылоит ҳнапы ианышәҵаз аус ишахәҭоу ала анагӡара ҳалшеит ҳәа иҳаҳауа ацәажәарақәа. Афорум даара аинтерес аҵан, иҭбаау апрограмма ала игәылҭәаан», - ҳәа иҳәеит Роберт Минасиан.

«Ҳара зегьы иҳалшоз аҿы ҳхы ҳамеигӡеит. Есҽны ҳаӡбахә заҳауаз рхыԥхьаӡара иацлон. Ҳара егьырҭ атәылақәа рыҽрымадара ҳалҳаршеит, Аԥсныҟа иаарц зҭаху рхыԥхьаӡара акыр иацлеит ҳәагьы уҳәар алшоит», - ҳәа иҳәеит Руслан Амҷба.

Леуан Габелиа, ас еиԥш иҟоу афорум алахәхара иара изы иҿыцу ԥышәоуп ҳәа иазгәеиҭеит.

«Уаанӡа сара ас еиԥш аформат змоу афорумқәа схы аласмырхәӡацызт, уаанӡа ареспублика аҩныҵҟа имҩаԥысуаз аусмҩаԥгатәқәа ракәын сызлахәыз. Сара раԥхьаӡа акәны Аԥсны анҭыҵ имҩаԥысуа аусмҩаԥгатә схы аласырхәит. Уи даара агазҭазаара сынаҭеит анаҩстәи сусуреи схы аус адулареи рзы», - ҳәа иҳәеит Леуан Габелиа.

Жәларбжьаратәи афорум «Евразия Global» зынӡа 500-ҩык инарзынаԥшуа рхы аладырхәит.  Афорум мҩаԥысит нанҳәамза 21 инаркны 27-нӡа Оренбург ақалақь аҿы. Афорум аҳәаақәа ирҭагӡаны аҿар реалла ауснагӡатәқәа рынагӡара рҵон, иара убас аглобалтә ҳәынҭқарратә напхгараҭара ашьақәгылашьа ҭырҵаауан.