Атурнир иреиӷьу ахәмарыҩ ҳәа далкаан Асҭан Гогиа, иреиӷьу ажәылаҩ - Асҭан Какәыбаа, акоманда иреиӷьу ахәмарҩы ҳәа далкаахеит Назар Смыр.
Акоманда азыҟаиҵоит Аслан Багаҭелиа.
28.Нанҳәа.2023
2010 шықәса рзы ииз Аҟәатәи «Динамо» ашьапылампыласыҩцәа атурнир «Краснодар аԥхынтәи Ахраҿа-2023» аҿы аиааира ргеит.
Аҟәа. Нанҳәамза 28, 2023 шықәса. Аԥсныпресс. 2010 шықәса рзы ииз Аҟәатәи «Динамо» ашьапылампыласыҩцәа есышықәса имҩаԥгахо атурнир «Краснодар аԥхынтәи Ахраҿа-2023» аҿы аиааира ргеит. Атурнир нанҳәамза 23 – 28 рзы Краснодар ақалақь аҿы имҩаԥысит.
Атурнир афинал аҿы «Динамо» аспортсменцәа Ростовтәи акоманда «Спарта» акоманда асчиот 2:1 ала ириааит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.
