Акомандатә аԥхьахәгара аҿы аиааира агеит атәылахьчара Аминистрра акоманда, 2-тәи аҭыԥ ааннакылеит Артиллериатә гәыԥ, ахҭатәи аҭыԥ ааннакылеит Акомандаҟаҵара-ԥшыхәратә Центр.
Аицлабрақәа реихшьаалақәа рыла, иреиӷьу ахәмарҩы ҳәа далкаахеит атәылахьчара Аминистрра арратә хәышәтәырҭа Хада аҳақьым Гьаргь Морохиа.
Аицлабрақәа рҿы аиааира згаз атәылахьчара Аминистрра аҟынтәи аҳаҭыртә шәҟәқәа ранашьахеит.
Атәылахьчара Аминистрра Аԥсны ашахматқәа Рфедерациа ари ачемпионат аиҿкаараҿы иҟанаҵаз ацхыраара азы иҭабуп рҳәеит.
Ашахматқәа ауаа иднарҵоит агәҭакқәа рынагӡаразы ииашаны аҳасабтә аҟаҵара, акультура, арҿиаратә потенциал иазнарҳауеит, иара убас апартниор ҳаҭырқәҵарала изныҟәара азы аҭакԥхықәра иднаҵоит.
Атәылахьчара Аминистрра аруаа ари ахәмарра ахь ирымоу абзиабара излауа ала адгылара анаҭоит.
