Атерроризм аҿагыларазы арратә гәыԥ ашәарҭара адыррала ишьҭыхын. Уи иаразнак Аужьҭра-гәаҭаратә Ԥыԥшырҭа аганахьала идәықәҵахеит.

Арратә ҽазыҟаҵара амҩаԥгара иалагӡаны аҽазыҟаҵаратә еидыслара мҩаԥысит, аруаа ақәылацәа раанкылареи рықәгареи рзы аԥышәатә уснагӡатәқәа аус рыдулара мҩаԥыргеит, иара убас  ишәарҭоу аҭагылазаашьа аҿы ирласны аӡбамҭақәа рыдкыларазы адырақәа дырҳаит.

Арратә ҟәшеиҵақәа рхатәы еилазааразы ахархәара аҭан ақәылаҩ ижәылара аԥхьырҟәҟәаара иазку еиуеиԥшым арратә знеишьақәа.

Аибашьратә ҭагылазаашьа излауа ала иазааигәаны аҭагылазаашьа аԥҵара азы аимитациа ахархәагақәа рацәаны, ахы зҭам апатронқәеи арҭҟәацгақәеи алҩатә хырҭқәацгақәеи алҩа ықәырчыгақәеи ахархәара роуит.   

Аԥсны иҟоу Урыстәыла Аладатәи Арратә Округ арратә база аҿы аиԥш-зеиԥшу арратә ҽазыҟаҵарақәа иааиԥмырҟьаӡакәа имҩаԥысуеит, уи иабзоураны атерроризм аҿагыларазы иаԥҵоу архәҭақәа рырра-ԥышәатә зыҟаҵара иҳараку аҩаӡараҿы аанкылара алнаршоит.