Аҳәамҭаҿ иазгәаҭоуп:
«Иахьатәи амш ҳтәылазы акраҵанакуеит - цәыббра 3 2008 шықәса рзы Никарагуа Аԥсны жәлар ахақәиҭреи ахьыԥшымреи рзы рзин ишадгыло аанарԥшит. Уи ашьаҿа ҟарҵеит дара рхада, Аԥсны аҩыза бзиа Хосе Даниель Ортега Сааведра раԥхьа днаргыланы.
Аҩ-республикак рыбжьара аполитикатә диалог аҿиара амоуп, агәыӷрагьы ааҳарԥшуеит ҳусқәа зегьы ҳтәылақәа реизыҟазаашьа шеиӷьыртәуа, ишдырҿио ҳполитикатә диалог».
