Аҟәа. Цәыббрамза 4, 2023 шықәса. Аԥсныпресс. Цәыббрамза 5 рзы Аԥснытәи адраматә театр аҿы Мушьни Лашәриа ипоема ала Мадина Аргәан иқәлыргылаз еихьӡылоу амузыкатә спектакль «Ахьтәы уасцәа» аԥхьарбара мҩаԥысраны иҟоуп, ҳәа адырра ҟанаҵоит Аԥсны акультура Аминистрра апресс-маҵзура.
Аспектакль рхы аладырхәуеит Аԥснытәи адраматә театри Аҿартә театри рартистцәа: Аԥсны зҽаԥазтәыз артист Даур Арухаа, К. Цымцба, С. Кокосқьыр; авокалистцәа К. Ешба, Х. Мықәба, А. Ферзба, Н. Какалиа, Г. Ҳагба, Е. Гәынба, жәлар рыкәашареи рашәаҳәареи рзы Аҳәынҭқарратә ансамбли Аҳәынҭқарратә ансамбль «Шьараҭыни» рарстистцәа.
«Ақәгыламҭа даара инарҭбааны ишьақәыргылоуп. Апиеса аҿы аԥсуа мифологиа аҟынтәи акыр асиужетқәа ахархәара аиуит. Аспектакль аҿы ихадоу аҭыԥ ааннакылоит – афырхаҵа хада Аԥсадгьыл ахақәиҭреи ахьыԥшымреи рзы иқәԥара атема», – ҳәа иазгәалҭеит Мадина Аргәын.
Уи лажәақәа рыла, ахәаԥшцәа ирбараны иҟоуп иагьа аԥықәслара дақәшәаргьы ауаҩы дышуаҩу аанхара шилшо.
Акомпозитор – Т. Агрба, абалетмеистер – Е. Ҭырқьба, алашара азы асахьаҭыхыҩ – И. Пасаниа, акостиумқәа рзы асахьаҭыхыҩ – С. Амԥар, асценографиа – Г. Дочиа.
