«Ашыцмца ҳәа изышьҭоу аҵиаақәа аԥхасҭа рызҭо ахәаҷа-маҷа хкы иахҟьаны, ашыц ӷәӷәала алҩаара иалагеит, ҳара иаҳцәыӡит зқьыла ари шамахамзар уаҳа џьара иуԥымло аҵиаа ашьапқәа. Уаанӡа ашыц активла иазҳауан ахрақәа рҿы, уажәы урҭ аҭыԥқәа ҭацәит, амра ашәахәақәеи ақәеи аси аҵааи уҳәа, зегьы хра злам анырра ҟарҵоит. Убри ауп изыхҟьо иахьа Иуԥшьаратәи аҩхааҭшәа аҿы лассы-лассы иаабо ахаҳәлеирақәагьы. Аамҭа кьаҿ иалагӡаны ари апроблема аӡбара залыршахом, убри аҟнытә ахаҳәлеира аанкылашьа аманы иҟам», – ҳәа иҳәеит Адамыр Багаҭелиа.
Акызаҵәык иҟоуҵар зылшо, аҩхааҭшәаа иахьаҵанакуа аамҭала атранспорти ауааԥсыреи раанкылареи ақәыиҭымтәра ауп.
«Убас мацара ауп ҳара ҳуааԥсыреи ҳасасцәеи ргәабзиареи рыԥсҭазаареи реиқәырхара шҳалшо», - ҳәа иазгәеиҭеит Адамыр Багаҭелиа.
© АПСНЫПРЕСС.
