Дмитри Осиа иажәақәа рыла, Авҭандил Џьынџьал аҳҭнықалақь аҿы аус зуа аусдкылаҩцәа зегьы хаҭала идыруеит, Аҟәа ақалақь аҿы иҟоу аекономикатә ҭагылазаашьеи, иара адепартамент аҿиареи аусуреи рзы иааизакны иҟаҵатәууи ртәы ибзианы еиликаауеит.
Абиуџьети ашәахтәқәеи афинансқәеи аекономикеи азԥхьагәаҭареи рзы есымша аус зуа адепутаттә Комиссиа ахантәаҩы Давид Чхьеиӡе адепутатцәа Авҭандил Џьынџьал иԥыланы адепартамент аусура иалацәажәеит, доусы ргәаанагарақәеи ргәазыҳәарақәеи ртәы рҳәеит ҳәа адырра ҟаиҵеит.
Авҭандил Џьынџьал ауаажәларратә транспорт аусура аиӷьтәра азы иазԥхьагәаҭоу аусмҩаԥгатәқәа дрылацәажәеит. Уи иара убас ҩымзи бжаки ирҭагӡаны адепартамент адиректор инапынҵақәа рынагӡаҩ иаҳасабала иусура аамҭазы аколлектив ахәааахәҭразы апатентқәа рыҭареи аҩи-ауадкеи, иара убас аҭаҭын аалыҵқәа зҭиуа аусдкылаҩцәа алицензиа рыҭареи анаҩс, аиндикативтә план аус адулара иаҿын, адепартамент аусзуҩцәа иара убас аусдкылаҩцәа аконсультациатә цхыраара рырҭон ҳәа инаҵшьны иазгәеиҭеит.
Имаӡоу абжьыҭирала, Авҭандил Џьынџьал Аҟәа ақалақь Ахадара аекономикеи атранспорти рдепартамент адиректор имаҵураҭыԥ аҿы еицҿакны дшьақәырӷәӷәан.
