Ахәыҷқәа иара убас акоманда аҿы аусура рҵеит, рылшарақәа рыҿиареи рсоциалтә дыррақәа реизырҳареи рзы иманшәалоу аҭагылазаашьа рзаԥҵан. 

Агәыҳалалратә уаажәларратә Еиҿкаара «Кьиараз» акоманда Еиду Амилаҭқәа Реиҿкаара Ахәыҷтәы Фонд (ЮНИСЕФ) Аҟәатәи аофис, Аԥсны Аҳәынҭқарратә Университет азеиԥшнхарҭа «Абхазуниверсалторг», абзазаратә химиа адәқьан «Босфор»,  ахәаахәҭратә  ҩны «НАТАЛИ», Аԥсны Иԥшьоу Аметраполиа, Афонҿыцтәи аҳаԥы Ахадара, Аԥсны иҟоу Урыстәыла аус ацура Ахаҭарнакра, уҳәа егьырҭ аиҿкаарақәеи хазхаҭалатәи аусдкылаҩцәеи ахаҿқәеи ахәыҷтәы лагерь «Аԥеиԥш» аиҿкаараҿы   иҟарҵаз ацхыраареи Аԥснытәи ахәыҷқәа рыҿиара аҿы рлагареи рзы иҭабуп рҳәеит.

Еиду Амилаҭқәа Реиҿкаара Ахәыҷтәы Фонди Агәыҳалалратә уаажәларратә Еиҿкаара «Кьиарази» апартниорцәа рыцырхырааны  Аԥсны ахәыҷқәа рзинқәа рыхьчара иазку аусура иацырҵоит. Уи ахықәкы хаданы иҟоуп ахәыҷқәа зегьы рыҿиара азы ирзеиԥшны еиҟароу алшарақәеи азинқәеи раԥҵара.