Аҟәа ақалақь аихамҩатә вокзал хада азы абаркьылкаламқәа аахәаны ишьҭоуп, мышқәак рышьҭахь урҭ рышьақәыргылара иалагоит, адәыӷбадгыларҭа ахаҳәцәы ҿыц ала ирчаԥоит.
Аԥснытәи аихамҩақәа иатәу аестокадақәа рааигәа-сигәа ажәырҭреи агәам-сами рҟынтәи ирыцқьаны урҭ рышәра иалагеит.
Аҟәатәи авокзал аидармҩангагатә дәы аҿы ашьҭаҵарҭа ахыбра аԥсахра мҩаԥысуеит.
Иҿыцу абаркьылкаламқәа иара убас ишьақәыргылахоит аплатформа «Гәыма» аҿгьы.
Аԥснытәи аинвесторцәа ирыбзоураны аиҭашьақәыргылара мҩаԥысуеит Афон Ҿыц аҿы иҟоу аплатформа «Ԥсырцха».
Ари аплатформа аҿы иҟоу апавилион аҭоурых-культуратә ҭынха абаҟақәа рахь иаҵанакуеит. Ахыбреи ахаҿратә гани (афасад) шьаҭанкыла еиҭашьақәыргылахоит иара убас Гагра ақалақь аҿы иҟоу аплатформа «Гагрыԥшь» аҿы.
