Апрограмма «Ани ахшаареи ргәабзиара ахьчара» афинанстәра азы атәыла агәабзиарахьара Аминистрра шықәсык ахь иазоунажьуан 2 млн. мааҭ. Уи ахықәкы хадақәа ируакын аԥхьатәи аетап иаҵанакуа амедиаҳәшьцәа рзанааҭтә дыррақәеи рылшарақәеи рыҩаӡара ашьҭыхра, иара убас ауааԥсыра анреи ахәыҷреи ирыдҳәалоу азҵаарақәа рзы рдыррақәеи згәы бзиоу ахәыҷыԥшқақәа реиԥш згәы рахәым ахәыҷқәагьы рхылаԥшреи рааӡареи рзы адыррақәа рыларҵәара. Убри аан «Афершалтә-ԥҳәысеилыргаратә пунктқәа адгылара рыҭаразы акураторра асистема» Аԥсны араионқәа зегьы рҿы аус ауан.
Агәабзиарахьчара аминистр Едуард Быҭәба ҳреспублика ауааԥсыра, аиҳарак ахәыҷқәа ирыхәаша апроектқәа агәабзиарахьчара аусхкы аҿы рынагӡара есымша дшадгыло инаҵшьны иазгәеиҭеит.
Агәабзиарахьчара Ахылаԥшырҭа хада анапхгаҩы инаҵшьны иазгәеиҭеит ари азҵаара ҷыдала ахшыҩзышьҭра шаҭахо, иарбоу апрограмма ҵабыргны акоронавирусттә ҿкы чымазара алаҵәара ҟалаанӡа аус шауаз еиԥш аеффективла аусура иалагар, уи ахымԥадатәра шьақәырӷәӷәахар, жәаҳәарада атәыла агәабзиарахьчара Аминистрра иарбоу апограмма афинанстәра иааиуа ашықәс азы абиуџьет апроект алагалара ишалацәажәо инаҵшьны иазгәеиҭеит.
