Аҟәа. Ԥхынгәмза 17, 2023 шықәса. Аԥсныпресс. Нанҳәамза 5, 2023 шықәса рзы акультура Аминистрреи Гал араион Ахадареи рыцхыраарала Гал ақалақь аҿы араионтә рҿиаратә коллективқәа злаху аконцерти ақыҭанхамҩатә хәаахәҭратә цәыргақәҵеи мҩаԥгахоит.
Аԥсны атылауааи асасцәеи игәыҟаҵагоу амузыка азыӡарҩреи атәыла аҿы иҭрыжьуа афатә аалыҵқәа ргьама абареи рзы алшара рзаԥҵахоит.
Ахәаахәҭратә цәыргақәҵа алахәхаразы ааԥхьара рыҭахоит уи азы агәазыҳәара змоу зегьы: асахьаҭыхыҩцәа, анапҟазацәа, афермертәи ахатәы нхамҩақәеи ныҟәызго, иара убас хазхаҭалатәи аусдкылаҩцәеи аиуристә хаҿқәеи.
Алахәхаразы азыҳәамҭақәа нанҳәамза 1, 2023 шықәса аҟынӡа ирыдыркылалоит.
Алахәхаразы аҽҭаҩра мҩаԥгахоит абри аҭел ала: +7 (940) 744-50-05.
