Араион ахада анаҩс иҟаиҵаз адыррақәа рыла, 2022 шықәса иаҿырҧшны ҳахәаԥшуазар, ахашәалахәы 5 млн. 350 нызқь мааҭ рыла ишеиҳахаз. Абиуџьет ахашәалахәқәа рзеиԥш еицҵалыҵ аҟны ашәахтәтәии ишәахтәтәыми ааимҭақәа рхыҵхырҭа хадақәаны иҟоуп ахашәалахәытә шәахтә. «2023 шықәсазтәи аҳасабырбатә аамҭазы ахатәы хашәалақәа хкқәа 13 хкы рахьтә 9 хкык рыла аплан нагӡоуп. 2023 шықәса актәи азбжа ареспубликатә биуџьет аҟнытә дотациа ҳасабла иааит 25 млн.769 нызқь мааҭ, планла иарбаз 24 млн.900 нызқь мааҭи асубсидиақәеи рыла - 48 млн. 40 нызқь мааҭи. Иара убас Аҳәынҭқарра Ахада ирезервтә фонд аҟынтә 350 нызқь мааҭ рыхә аматериалтә цхыраара рзыҟаҵан жьҭаарамзазы амшцәгьақәа ирхырҟьаны аԥхасҭа зауыз анхарҭатә ҩнқәа. Аминистрацәа реилазаара арезервтә фонд аҟынтә Гәылрыԥшь араион Анхарҭа коммуналтә усбарҭа иҷыдоу атехника - аӡхагалагақәа ҩба, ф-ызқьҩык ауааҧсыра ӡыла еиқәзыршәо разаахәаразы иазоужьын 3 млн. 538 нызқь мааҭ Ҳазҭагылоу аамҭазы абиуџьет аныхтә хәҭа нагӡоуп 94, 4% рыла.

Планла иарбаз 1 млн.419 нызқь мааҭ  раан фактла аныхтә иартәеит 1 млн. 264 нызқь мааҭ.

Абиуџьет аҟынтә ахадаратә харџьқәа азкуп аҵараиура, уи азеиԥш харџь аҟынтә иартәеит  44,8% иаагоуп.  01.07.2023 шықәса рзы зхы иақәиҭу  абиуџьет ацәынха  иартәеит 14 млн. 277 нызқь мааҭ",- ҳәа иҳәеит иара.