Роберт Киути Игорь Зубови Аԥсни Урыстәылеи рыҩныҵҟатәи аусқәа Рминистррақәа рыбжьара аусеицура аринахысгьы аҿиареи арӷәӷәареи ишазхиоу ҩаԥхьа ишьақәдырӷәӷәеит.
05.Ԥхынгәы.2023
Роберт Киути Игорь Зубови Аԥсни Урыстәылеи рыҩныҵҟатәи аусқәа Рминистррақәа русеицура апрограмма анагӡара иалацәажәеит.
Аҟәа. Ԥхынгәымза 5, 2023 шықәса. Аԥсныпресс. Ԥхынгәымза 5 рзы Москва ақалақь аҿы имҩаԥысит Аԥсны аҩныҵҟатәи аусқәа рминистр Роберт Киути Урыстәылатәи Афедерациа аҩныҵҟатәи аусқәа рминистр истатс-маӡаныҟәгаҩ-ихаҭыԥуаҩ - Игорь Зубови русуратә еиԥылара.
Роберт Киути Игорь Зубови азҵаарақәа жәпакы ирылацәажәеит, урҭ иреиуоуп:
2021-2023 шш. Аминистррақәа русеицура Апрограмма анагӡара;
Аҟәа ақалақь аҿы аҩныҵҟатәи аусқәа русбарҭақәа аҩганктәи аинформациа-координациатә Центр аргылара;
аҳәаа иаԥну аҵакырақәа рҿы ацәгьоурақәа рҿагылареи изакәанымкәа анаркотикатә маҭәашьарқәа реикәыршара аԥхьырҟәҟәаареи рганахьала аусеицура;
аусеилыргаратә усбарҭақәеи аӡбарҭақәеи рҟынтәи зыҽӡаны иҟоу ахаҿқәа рыԥшаареи, иара убас акурорттә аамҭахәҭа азы урыстәылатәи атуристцәа ршәарҭадара аиҿкаареи.
