Аҟәа. Рашәарамза 4, 2023 шықәса. Аԥсныпресс. Аиааиреи Ахьыԥшымреи Рымш азгәаҭара аламҭалазы 1992-1993 шш. Аԥсны жәлар Рџьынџьтәылатәи еибашьра аҿы иҭахаз аибашьцәа рбаҟа аадыртуеит Очамчыра араион Маркәыла ақыҭан.
Маркәыла ақыҭа ахада Анри Хәырхәмал ишеиҭеиҳәаз ала, ҩы-шықәса раԥхьа ақыҭауаа рымч ала абаҟа ахьыргылахо аҭыԥ рыцқьаны ахаҳә шьҭарҵеит.
«Ҳара атәыла анапхгара ахь аԥсадгьыл ахьчара зхы ақәызҵаз аибашьцәа рбаҟа аргылара ҳгәы ишҭоу азы ашәҟәы ҳаҩҩит. Ацхыраара ҳарҭеит. Аусурақәа абар шьҭа мызкы иалагӡаны имҩаԥысуеит . Ҳақәгәыӷуеит цәыббрамза 30 рзы абаҟа аартра шалыршахо», - ҳәа иҳәеит Анри Хәырхәмал.
Амуниципалтә Унитартә Наплакы «Ақалақьргылара» апрораб хада Асҭамыр Кәакәасқьыр ажурналистцәа дрыҿцәажәо, ареспубликатә биуџьет аҟынтәи ари абаҟа аргыларазы 3 млн 952 нызықь мааҭ азоужьхеит ҳәа адырра ҟаиҵеит.
«Уажәы атанк ахьышьақәыргылахо аҭыԥ абетонла ичаԥаны иҟарҵахьеит. Анаҩстәи аусурақәагьы аамҭа кьаҿ иалагӡаны инагӡахоит», - ҳәа еиҭеиҳәеит Асҭамыр Кәакәасқьыр.
Иара ишазгәеиҭаз ала, лассы-лассы иҟаз ақәорақәеи амшцәгьақәеи ирыхҟьаны аусурақәа рынагӡараҿы маҷк аиҵахарақәа ҟалеит. Уаҳа даҽа проблемак ыҟаӡам, иаҳҭаху амаҭәахәқәа зегьы рыла ҳаиқәыршәоуп. Аусурақәа рынагӡаразы ирыбжьарҵаз аиқәшаҳаҭрала абаҟа аргылара нанҳәаза 31 рзы ихыркәшахароуп. Прочитано 107 раз. Последнее изменение 04.07.2023.
Источник: https://apsnypress.info/ru/home/novosti/item/6122-pamyatnik-pogibshim-vojnam-otkroyut-v-sele-markula.
© АПСНЫПРЕСС.
